Thomas Pringle (1789–1834) word in hierdie land onthou as die ‘vader van die Engelse poësie’, as leier van die enigste Skotse Setlaarsparty in 1820, en as ‘n kampvergter vir die vryheid van die pers. Hy het ‘n vroeëre loopbaan gehad as stigtersredakteur van die Blackwood’s Magazine in Edinburgh en ‘n later een as geleerde in London en sekretaris van die Anti-Slavery Society. Die afskaffing van slawerny het in Augustus 1834 in die Britse Ryk in werking getree. Kort daarna, in Desember 1834, is Pringle, ‘n teringlyer en kreupel van sy geboorte af, oorlede, net 45 jaar oud. In Kaapstad was hy aan die hoof van die Suid-Afrikaanse Openbare Biblioteek; hy was ook, saam met sy vriend John Fairbairn, redakteur van die Kaap se tweeweeklikse, eerste onafhanklike nuusblad, en het ‘n suksesvolle ‘klassieke en kommersiële akademie’ gestig, totdat dit alles tot ‘n einde gebring is deur die vyandigheid van die goewerneur, Lord Charles Somerset. Hy het teruggeveg maar, finansieel geruďneer, het hy na sy loopbaan in Brittanje teruggekeer. Sy dokumente, na Kaapstad gestuur deur sy weduwee Margaret, het verlore geraak, maar briewe in ander versamelings wat hier behoue gebly het, roep die karakter, lewensuitkyk en Suid-Afrikaanse loopbaan op van ‘n prominente persoon in ons geskiedenis. Randolph Vigne het hierdie volume uitstekend geredigeer. Lees oor sy nuwe interpretasie van Pringle se rol as setlaar en kampvegter vir die vryheid van die pers en die afskaffing van slawerny.

2011 Algemene Jaarvergadering en Bekendstellings

Lees alles hieroor op ons Aktiwiteite-bladsy – ook oor die VIER bekendstellings van ons Pringle-volume!

Groot nuus!

Ons is nou op Facebook! Klik op  om u reaksies en kommentaar op hierdie nuwigheid te gee.