Die Van Riebeeck Vereniging vir die
Publikasie van
Suider-Afrikanse
Historiese Dokumente
Nuusbrief 34, September 2009
Nuusflits!!
Gillian Godsell voer binnekort 'n radio-onderhoud met
Gerald Groenewald in verband met die VRV. Sommige van u sal Gerald se lesing in
Januarie vanjaar by die UK-Somerskool onthou oor volume 36, Trials of Slavery, waarvan hy en Nigel
Worden die redakteurs was. Die onderhoud vind plaas op Radio Today, 'n Johannesburgse
radiostasie, Dinsdag 22 September om 9 vm. Ek verstaan u
AJV en
bekendstelling in Kaapstad van ons 2009 volume
Ons 2009 AJV word gehou in die Komiteekamer, Sentrum vir die Boek, Koningin
Victoriastraat 62, Kaapstad, op Donderdag 29 Oktober om 18.00. Parkering is
beskikbaar, óf aan die agterkant van die Sentrum (via Perthweg aan die kant van
die Sentrum) óf in Koningin Victoriastraat. U word vriendelik uitgenooi om
aanwesig te wees. Die notule van die vorige AJV vind u op ons webwerf, www.vanriebeecksociety.co.za.
Kopieë sal ook by die jaarvergadering beskikbaar wees. Die jaarvergadering word
om 19.00 gevolg deur die bekendstelling van ons 2009 volume, Alan Paton: Selected Letters. Die
hoofsprekers is dr David Paton, seun van Alan Paton, en mnr Tony Morphet, 'n ou
vriend van Alan Paton. Antwoord asb voor
of op 16 October 2009.
Soos nou alreeds gebruiklik, het ons 'n hoek-stalletjie naby een van die
ingange gehad. Elf skone, sterke en brawe vrywilligers het hul hande vol gehad
met die verkoop van volumes en die werwing van nuwe lede. Dit was Nigel
Amschwand, Tanya Barben, Margaret Kooy, Alan Morris, Susie Newton-King, Cora
Ovens, Howard Phillips, Chris Saunders, Arne Schaefer, Sandy Shell, Elizabeth
van Heyningen en Piet Westra. Volgende jaar moet ons werklik probeer om twee
persone per skof te gebruik gedurende die besige tye. Daar het 24 nuwe lede
aangesluit – een van Botswana en een van die VSA. Ons het 67 boeke verkoop, en
daar was ook baie belangstelling in 'n proef-eksemplaar van ons herdruk-projek
vir 2009 - die 3-volume Engelse vertaling van Jan van Riebeeck se Dagboeke, oorspronklik in 1952 vir die
Van Riebeeck Vereniging gepubliseer deur A. A. Balkema.
'n Aantal konferensies wat deur lede van ons vereniging bygewoon is, het
ons die geleentheid gebied om ons volumes te bemark en nuwe lede te werf.
Hierdie konferensies was: 'n Slawe-konferensie in Montreal, Kanada in Mei; die
konferensie van die SA Historiese Vereniging in Pretoria in Junie en die
internasionale Alan Patan konferensie in die Alan Paton Sentrum in
Pietermaritzburg in Julie. Indien u van enige komende konferensies weet waar
ons ons volumes kan verkoop en nuwe lede kan werf, laat ons asseblief weet.
Michael Bremner van Scottburgh; Shirley Paladin van Rivonia; Sean Shreve
van Somerset West; Megan Phillips van Kimberley ('n geskenk-lidmaatskap van
haar vader); Herbert A Farrow van Vishoek; Dr Susan Brodrick van Nuweland;
Michael Charton van Constantia; Ian Clark van Bergvliet, James Whyle van
Rosebank, Johannesburg; Gregory Tarrant van Durban; Barry Brown van Sandton;
George Oettle van Aucklandpark; Amy Coetzer van Swakopmund, Namibia; Phoebe
Hirsch van Groenpunt; Shireen Scott van Somerset-Wes; Peter Bradfield van Oos-Londen;
Gillian Godsell van Craighall Park ('n geskenk-lidmaatskap van Ian Clark);
Emile C Coetzee van Waverley, Pretoria; Vibeke Viestad van die Universiteit van
Oslo, Noorweë; Rowan Hutchison van Knysna; Michael van Niekerk van
Stellenbosch; Paul van Niekerk van Franschhoek en David van Niekerk van
Constantia – laasgenoemde drie almal ingeskryf deur hul vader, mnr J F van
Niekerk, wat kennelik hiermee 'n nuwe familietradisie wou begin!
Aangesluit by die Kaapse
Internasionale Boekefees:
Maano Tuwani van Makhado; Mick Taylor van die VSA; Fred Gilissen van Plumstead;
Mervyn Rosenberg van Seepunt; Horst Kleinschmidt van St James; Rian Maarten van
Tygervallei; Ross Devenish van Barrydale; Ken Hundermark van Plumstead; Nick
Kenyon van Wynberg, Kaapstad; Fred de Bruin van Kampsbaai; Kenneth Gainsford van
Edgemead; Johannes Smith van Queenstown; Sentail Chinna Veeriah van Gaborone,
Botswana; Wayne Wakfer van Bryanston; Heather Scott van Somerset- Wes; John
Allen van Plumstead; Sally-Ann Powrie van Bothasig; Grant Hatch van Montagu;
David Slingsby van Tokai; Hentie van der Merwe van Observatory; Michael Walker van
St James; Harvey Tyson van Hermanus; Lesley Hart van Claremont; Pam Kolbe van
Malmesbury.
Aangesluit by die
SAHV-konferensie: Prof F A
Mouton of Unisa en J N Klee van Florida.
Aangesluit by die Alan Paton Konferensie
in Pietermaritzburg: Cedric
Sissing van Adams Bookshop, Jewel Koopman, organiseerder van die konferensie,
Prof M Z Malaba van UKZN, Mary Burton van Rondebosch, Peter Nel van
Pietermaritzburg, Thayalan Reddy van Durban.
Dit bring ons ledetal by 1190 – komaan burgers, skryf jul
seuns/dogters/kleinseuns/kleindogters in, dat ons die 1200 kan slaan voor die
AJV in Oktober!
Hulde aan
Doreen Ovendale
Ons innige dank gaan aan Doreen Ovendale vir nog 'n jaar se uitstekende
diens aan die Vereniging. Hierdie kantoor sou sonder haar net nie dieselfde
wees nie – ons weet nie wat ons sonder haar sou doen nie!
Skenkings
Ons hartlike dank aan almal wat in 2009 geld aan die Vereniging geskenk
het. U vrygewigheid word hoog op prys gestel.
In Memoriam
Mev J D Middelman van Kenilworth; mnr H.J. Hustler van Emerald Hill, mev
E B Saunders van Peers Village, Valyland; mnr H F van der Westhuyzen van
Noordhoek
Bekendstelling
van 2009 volume in Pietermaritzburg
Die Alan Paton Sentrum het vanjaar in Pietermaritzburg 'n konferensie
gehou ter herdenking van hul 20-jarige bestaan, en die Vereniging het van
hierdie geleentheid gebruik gemaak om ons 90ste volume, Alan Paton: Selected Letters, bekend te stel. Die sprekers by die
geleentheid was die redakteur van die volume, professor Peter Alexander van
Sydney, en die voorsitter van die VRV, professor Howard Phillips, wat een van
die volumes oorhandig het aan Alan Paton se weduwee, mev Anne Paton, en een aan
sy seun, dr David Paton (wat ook by die bekenstelling in Kaapstad, op 29
Oktober, teenwoordig sal wees). Die voorsitter en die vise-voorsitter, dr
Elizabeth van Heyningen (wat ook by die konferensie was) het die geleentheid
gebruik om van ons aktiwiteite te vertel en van ons volumes te verkoop. Die
onmiddellike resultate – ses nuwe lede en 19 volumes verkoop – was bevredigend.
Verder het kontakte wat by die konferensie gemaak is, gelei tot 'n ooreenkoms
dat die Alan Paton Sentrum kopieë van volume 40 in voorraad sal hou om aan die
publiek te verkoop, en ook tot 'n uitnodiging aan die VRV om ons boeke ten toon
te stel by die Msunduzi Heritage Forum Bookfest in Pietermaritzburg in
September.
Spesiale
aanbod - John X Merriman
John X Merriman was een van Suid-Afrika se briljantste politici.
Alhoewel hy eers aan die einde van sy lang politieke loopbaan eerste minister
geword het (toe hy in 1910 die Kaapprovinsie in Uniewording gelei het), het hy
in baie kabinette gedien, gewoonlik as Tesourier. Hy was ‘n uitstekende
spreker, en sy begrotingsredes het toehoorders aan sy lippe laat hang. Hy was
ook ‘n skitterende briefskrywer wat met ‘n wye verskeidenheid politieke figure
gekorrespondeer het, sowel oor sake van die dag as oor breër kwessies insake
regering. Sy politieke oortuigings was nie altyd gewild nie, veral sy
pro-Boer-standpunt tydens die Suid-Afrikaanse (Anglo-Boere-) oorlog en sy
teenstand teen Rhodes. Die vier volumes van sy korrespondensie, geredigeer deur
die hoogstaande historikus, Phyllis Lewsen, bevat van die belangrikste
brieweversamelings in die Suid-Afrikaanse geskiedenis. Ons herbied al vier
volumes teen die spesiale prys van R200 vir ons lede aan, in die hoop dat meer
lesers van hierdie briljante man, wat die Vereniging se eerste Voorsitter was
in 1918, sal kennis neem. Ons bied ook, vir lede oud en nuut, François Stephanus Malan se Konvensie-dagboek 1908-1909 in sy
eeufeesjaar aan vir R50.
Saamgestel deur Cora Ovens
& Howard Phillips. Afrikaans deur Chris van der Merwe.
Van Riebeeck-Vereniging, Posbus
15151, VLAEBERG, 8018, Suid-Afrika.
Sentrum vir die Boek, Koningin
Victoriastraat 62, KAAPSTAD, 8000, Suid-Afrika.
Tel: +27 (0)21 423-8424 Faks:
086 670 9828
E-pos: vanriebk@mweb.co.za. Webwerf: www.vanriebeecksociety.co.za